Bu gün Füzulinin Ermənistan silahlı qüvvələrinin işğalından azad edildiyi gündür.

Füzuli əməliyyatı Azərbaycan Ordusunun İkinci Qarabağ müharibəsində cənub-şərq cəbhəsində baş vermiş ən əhəmiyyətli döyüşlərdən biri olub. “Bizim tarixi, qədimi yaşayış məskənimizi Azərbaycan özünə qaytardı, on minlərlə insanın o yerlərə qayıtmasını təmin etdi. Bu gün tam məsuliyyətlə deyə bilərəm ki, Füzuli əməliyyatı hərbi kitablara daxil ediləcək” – deyə Ali Baş Komandan İlham Əliyev ötən ilin bu günü xalqa müraciətində qeyd edib.